Nkosingiphile Ntombela
Iqembu leNkatha Freedom Party eliholwa uMnu Velenkosini Hlabisa libungaze amaqhawe aleqembu elihlanganisa iminyaka engamashumi amahlanu labunjwa uMntwama Wakwaphindangene osakhothama uDkt Mangosuthu Buthelezi.
Lomcimbi othanyelwe amalunga alenhlangano aqavile anamagalelo amakhulu kwiNkatha aphume ngobuningi bawo namuhla oNdini kwisifunda iZululand.Impumelelo yeqembu leNkatha nokuba namaqhawe abungazwayo namuhla kujabulise zonke izinhlaka zaleqembu leNkatha elenze kahle okhethweni olwedlule luka 2024.
Kulomcimbi ovulwe ilunga lesishayamthetho uMnu Mkhuleko Hlengwa ukhuthaze amalunga enkatha ekuhlaleni ngokwethembeka enhlanganweni aphinde asebenze ngokuzinikela ekwakheni lomubutho oyisixazululo sezinkinga zesizwe esimpisholo.
Enikezela ngezindondo zokuhlonipha amaqhawe uMengameli weNkatha Freedom Party ubonge ukuzinikela komakade bebona beNkatha Freedom Party aphinde wabalula ukuthi ukusebenza kwabo ekumiseni iqembu nasekulikhuliseni kuyabonakala ingakho mamuhla bekhethe losuku lokuzobabungaza babanike nezitifiketi zokubabonga ngokuzinikela kwabo ekwakheni inhlangano iNkatha Freedom Party eyithemba lekusasa lempilo encono eNingizimu Africa.
Kulomcimbi muhanjelwe nayimalunga esishayamthetho saKwa Zulu Natali uMnu Mntomuhle Khawula ongungqongqoshe wezebuciko nezemidlalo kwisifundazwe saKwa Zulu Natali.