IMAMELODI Sundowns izibeke ethubeni lesinye isicoco kule sizini yePremier Soccer League, idlulela kweyandulela owamanqamu eNedbank Cup ngokushaya omkhaya i-University of Pretoria emdlalweni wama-quarterfinal alo mqhudelwano obudlalelwa eLucas Moripe Stadium, e-Atteridgeville, ngoLwesihlanu ebusuku.
Ukufinyelela kweSundowns kowandulela owamanqamu eNedbank, kuyibeka ethubeni lokulwela ukunqoba esinye isicoco njengoba isanda kuzibekisela indawo nakowandulela owamanqamu eCaf Champions League, kanti futhi isethubeni elihle kakhulu njengamanje lokukhala yemuke nesicoco seDStv Premiership.
Lokhu kkuzimisela kwabadlali bama Brazilians kuzoyibeka emlandweni njengoba isibhekwe ngabovu ekunqobeni lezicoco ezidlalelayo okubalwa kuzo neCaf Champions Leauge. Ukunqoba kwayo kwi Pretoria University yize zibambane kwaze kwaya koshaya amaphenathi zibambenengo 1-1.
khonamanjalo uyaqhubeka imidlalo yomkhumulajezi njengoba namuhla eMabhida Stadium kuzotholana eZimnyana Ngenkani I-Orlando Pirates naMaZulu FC kweye Nedbank Cup ngehora lesithupha.