Nkosingiphile Ntombela
Iqembu lezombusazwe i-African National Congress kwisifunda seTheku kumense ukuhamba kwezimoto eMlazi ngesikhathi lenhlangano ibambe imashi yomgubho wenkululeko kwinkundla yezemidlalo eMenzi Stadium. Kulemashi amalunga kaKhongolose abeholwa uNobhala we-ANC eThekwini uMnu Musa Nciki, uMnu Sboniso Duma onguSihlalo we ANC kwisifundazwe obezothula inkulumo yosuku kumalunga abephume ngobuningi bawo.
Kulemashi amalunga kakhongolose abesho ngazwi linye ethi siyabuya elethu lezwe ehaya iziqubulo zomuzabalazo.Ethula inkulumo oyilunga esishayamthetho aphinde abengusihlalo we African National Congress uMnu Sboniso Duma ukhumbuze nezakhamuzi zaseMlazi ukuthi kulendawo kukekwaba nezindawo ebezithathwa njengezidleke zokubulawa kwabantu kakhulukazi kubulawa ababelwela inkululeko beyimalungu e-ANC.
uMnu Sboniso Duma uqhube wathi “Njengoba siqhubekela phambili, akumele sikhohlwe isikhathi esibi labekubulawa abantu ababelelwa inkululeko lesigubha iminyaka engamashumi amathathu.Mengimi kulendawo yaseMlazi kubuya nomlamdo wokuthi kubenezindawo ebekungangenwa kuzo kubulawa amaqabane ngakho leyomndeni eyalahlekelwa amaqhawe enkululeko ayohlezi ekhumbuleka.Icala labo kwakukulwela mina nawe ukuze siphume kwisandla songxiwankulu esasiqeda kakhulu ababelwela inkululeko,asisoze sakhohlwa ileyomndeni yalabo abahlukumezeka kulwelwa inkululeko, njengoba sesibheke okhethweni asithathe lenkululeko yokuthi sesathola nethuba lokuthi sivote ingako kumele siphume sonke siyovota ngomhlaka 29 kuMeyi” kuphetha uMnu Sboniso Duma onguSihlalo we African National Congress Kwa Zulu Natali.
Kulomgubho bekukhona ongamele uhlaka lwabefundisi kwisishayamthetho sakwa Zulu Natali uRev Vusi Dube naye okhulume wathi abaphume ngobuningi babo abantu bayovota ngoba kuyilungelo labo ukubamba iqhaza okhethweni lukazwelonke.
