Nkosingiphile Ntombela
Ukulahlwa kwadoti eduze nenkundla yezemidlalo e-Ilfracombe kuWard 98 eThekwini ezinye zezinto ezisukunyelwe phezulu uMnu Mandla Mngadi ongamele ezokuphepha nenhlanzeko kulendawo.
Namuhla umphakathi wase-Ilfracombe uzibambele mathupha wahlanza indawo ekulahlwe kuyo imfucuza ngokungemthetho, okungagcina kudala izifo kubantwana abasebenzisa lenkundla i-Ilfracombe Stadium.
Kunxuswa umphakathi ukuba unakekele izindawo kakhulukazi zezemidlalo njengoba ethe uMngadi sebesifakile isicelo sokuthi ivuselelwe kabusha lenkundla ibesezingeni lesimanje ifakwe nocingo lokuyibuyela ukuze umphakathi ungalahli imfucuza kwinkundla yezemidlalo.
Ekhuluma nabezindaba zeBhekizizwe Media uMnu Mngadi uphinde washaya ikhwelo ekuceleni umphakathi ukuthi uzibike izimo ezinjengalezi zokukahlwa kwadoti endaweni engamuvelekile njengayo yokulahla kulenkundla yezemidlalo.”Engakuqinisekisa sihlalile neziphathimandla zendawo mayelana nalenkundla, okuhlalukile izoqalwa kabusha ibesezingeni lesimanje esethemba ukuthi kuzoba uhlelo oluzoshesha ekukhandweni kabusha kwa lenkundla, sicela umphakathi usisize usigadise lenkundla ngoba ayikho enye kulendawo makulahlwa udoti kuzodala nezifo ezingeke zilapheke njengoba isetshenziswa nayizingane eziyikusasa lalendawo okuwumsebenzi wethu ukuthi sizivikele” kusho uMnu Mngadi ongusihlalo wekomiti lezokuphepha kwiWard 98 eThekwini.
Khona manjalo ukulungiswa kwalenkundla kuzodala namathuba omsebebenzi endaweni njengoba zonke izinkundla ezakhiwa kulesikhathi samanje kubekwa phambili abangamalunga omphakathi mekuqalwa izinhlelo zokwakha kabusha izingqalasizinda emphakathini.