Nkosingiphile Ntombela
Ubukhosi besizwe baseMnini obuholwa iNkosi P Luthuli busemkhankasweni wokunikezela ngomfaniswano kubafundi bezikole ezingaphansi koMnini Traditional Counsil.Ngomhlaka 15 kuNtulikazi iNkosi Phathisizwe Luthuli Foundation inikele ngomfaniswano eMnini Primary School.
Ekhuluma nabezindaba zeBhekizizwe Media iNkosi P Luthuli unabe kabanzi ngezinto ezimqoka ezimenze wasukuma waqala lohlelo lokunikezela ngomfaniswano ezikoleni ezingaphansi kwesizwe asiholayo.
“Okumqoka njengeNkosi yesizwe ngizokucacisa eyokubaluleka kokweseka imfundo esizweni saseMnini, okunye lohlelo belungeke laphumelela ngaphandle kokubambisana nezinduna engiziphethe kakhulukazi ngibonga negalelo lika Mnu Makhathini ongusihlalo weNkosi Phathisiwe Luthuli Foundation, ukubambisana kwethu okuhle ikona okwenze sakwazi ukunikela ngemfaniswano okuyimanje sebeyikhulu namashuni amathathu (130) abafundi asebehlomule kulohlelo, sibala kuzo abafundi baseNkosi Magcino Primary School (50),Umgababa Primary School (50) kanye naseNkosi uMnini Primary School bangamashumi amathathu(30).Loluhlelo alumile luyaqhubeka njengoba sizophinde sihambele izikole ezisemabangeni aphezulu okubalwa kuzo iNkosi Mnganiwakhe High School kanye neNkosi Mcothoyi High School.Sibonga abalule isandla njengoba kuyisifiso sami ukuthi eminyakeni ezayo sikhule isibalo sabafundi abazohlomula kulohlelo oluholwa iNkosi Phathisizwe Luthuli Foundation ” kuphetha Inkosi P Luthuli.
Onguthishanhloko wesikole Umnini Primary School uMnu PY Mngadi obechichima injabulo uthe ubonga kakhulu kwiNkosi Yesizwe nakwithimba lePhathisizwe Foundation elikwazile ukuzonikela kubafundi ngomfaniswano okuyinto athokoza kakhulu njengoba sekunabafundi asebezofana nabanye kakhulukazi njengoba kubanda benikwe namajezi okuthi bafudumale,njengothishomkhulu udlulisa ukubonga kakhulu kwiNkosi yesizwe sase MaThulini.
Khonamanjalo usihlalo weNkosi Phathisiwe Luthuli Foundation ubonge kakhulu ukubambisana okuhle nezikole ezihlonziwe kulonyaka kulohlelo lokunikela ngomfaniswano athemba ukuthi konke kubindlela enhle yokubambisana enezithelo ezinhle njengoba konke kusahamba kahle, uMnu Lungani Makhathini ubesebonga kwabulule isandla ekwesekeni iNkosi Phathisizwe Luthuli Foundation.
Okunye okuhlalikile iNkosi P Luthuli uthe udaba lokuvuselelwa kabusha kwezikole kakhulukazi nokwakhiwa kwamagumbi amasha ezinye zezinto abasazidingida neziphathimandla ezibhekele ukwakhiwa kwengqalasizinda kuhulumeni, athembayo kuzoba uhlelo oluzoshesha.