Nkosingiphile Ntombela
Ibandla Indumiso YamaKrestu ngomhlaka 05 kuNhlaba 2024, belibambe imdumezulu yenkonzo esigodini KwaNxamalala eBhobhonono ngaphansi kweNkosi Simphiwe Zuma. Lenkonzo enkulu bekungeyokugcoba uMnu Makhosandile Aron Mhlongo ( odume ngelika Sandile Mhlongo) kwesokuba I Arch Bishop ebandleni Indumiso yama Krestu.
Ekhuluma nabezindaba zeBhekizizwe Media u Arch Bishop Mhlongo uluchaze losuku njengolufana nesiqalo esisha njengoba enokuqonda isikhundla anikwe sona “okokuqala engakusho lesikhundla uNkulunkulu angithembe ngaso ngisihlonipha kakhulu njengoba sisuka ezandleni zika (Arch Bishop ZM Mpangase ongasekho emhlabeni) obengikhulisa ngokukamoya engifunde lukhulu kuye, ngakho ke engakusho kulesigaba engikuso ukuthi engizokuqhakambisa ngizozithuthukisa ekufundeni nasekuqondeni ukuthi kuyini ukuphathwa kwebandla ingako ngizokhuthaza ekutheni imfundo siyibeke phambili njengoba izindlela zokuphatha kwamabandla zidinga nolwazi ozolithekela ngokuqeqeshwa ekuphathweni nasekukhuliseni kwamabandla, okunye okusemqoka njenge Arch Bishop ukuqinisekisa ukuthi izinhlelo zebandla zihamba kahle okuzodinga ukuthi kubekhona ukubambisana singabazalwane ngoba umsebenzi wenkosi udinga ukubambisana, okokugcina ngibonga nokusekwa abazalwane abadele konke bazoba kanye nathi ngibonga kakhulu uNkulunkulu ababusise” kuphetha u Arch Bishop M Mhlongo.
Okuhlalukile u Arch Bishop Mhlongo akubeke phambili ekhuluma nabezindaba zeBhekizizwe Media ukuthi izinhlelo ebeziqhubeka minyaka yonke ukugcizelele ukuthi zoqhubeka njengoba zihleliwe ngokwekhalenda lebandla makunoguquko kuyothintwa inhlaka ezifanele zibazise abazalwane.
Obeyisikhulumi esiqavile osukukwini uMnu Percy Zondi odume ngezinkulumo ezakhayo naye ufike wasika elijikayo wabongela nabaholi abakade begcotshwa , inkulumo kaPercy Zondi ibuqhakambisa indlela umholi aziphatha ngayo kanye nedlela okufanele abazalwane baphathe ngayo abaholi babo emabandleni.
Lomcimbi ubuthanyelwe nayizicubuthwane ezinamagalelo aziwayo KwaMpumuza okubalwa kuzo uMnu Ntombela uDr Bones, uMnu Norman Mbatha ongu Moderator kanye nabaholi bamanye amabandla nabazalwane abebephume ngobuningi babo.