Nkosingiphile Ntombela
Abantu abasha bakwa Zulu Natali sebezokwazi ukuzicija amakhono kwezamafilimu njengoba kwethulwe I-Bruce Gounder Film Academy okuyisikhungo sokuqeqesha kwezamafilimu eNingizimu NoGu lwesifundazwe ePark Rynie.
Umqondisi wezemidlalo yobuciko kulesikhungo uVeekram Ramgoolam ekhuluma nabezindaba zeBhekizizwe Media uthe “Ngijabule kakhulu ngokuba nethuba lokuzohlonza ithalente elisha kulendawo ngiphinde ngibonge ukuthi sekuneciko lakhona endaweni uGeeman esikhethe ukuqala sisebenzisane nalo ekukhiqizeni umdlalo esizowuqopha ngenyanga kaJuly.Okubalulekile sibheke ukusebenza nentsha yakulesifundazwe ukuze sikhulise imboni yezobuciko kakhulukazi ezindaweni zasemakhaya ” kuphetha uVeerkram Ramgoolam.
Ongumculi waKwaCele eNingizimu NoGu uSanele” Geeman ” Ngcobo unabe kabanzi ngalethuba athe lizomubeka kwibalazwe njengoba eseke wadlala emidlalweni ewuchungechunge kumabonakude kakhulukazi kwifilimu edlala ku Netflix” Umjolo” athe imenze wakhula kulemboni “Ngibonga kakhulu ukuthola ithuba lokuthi ngibingxenye yalesikhungo okungijabulisa kakhulu lesikhungo sizokhiqiza imidlalo ezoya kobukwa kwamanye amazwe aphesheya okuyinto thina esikhule siyibukela kude kodwa manje sengomunye osenhlanhleni yokuthola lethuba engithembayo lizovulela nabanye kwisifundazwe saKwaZulu-Natali njengoba lesikhungo sizosebenza nentsha ” kuphetha uSanele ” Geeman” Ngcobo.
Lesikhungo sivuleleke kubobonke abanothando lokuzoba kwezamafilimu kakhulukazi njengoba sisemkhankasweni wokuhlonza ithalente elisha kakhulukazi kwintsha esezindaweni engakaze inikwe ithuba embonini yezamafilimu.