Nkosingiphile Ntombela
Imfundo esinye sezikhali okumele isizwe sihlome ngayo futhi siyibeke phambili njengoba isimo somnotho nasekuncintisaneni emazweni angaphandle kudinga yona.
Umkhandlu wobukhosi baseMshwathi kubukhosi boMthuli, ngomhlaka 07 Mashi babungaze izikole ezenzekahle kumatikuketsheni ka 2024 njengoba lesizwe naso sikwazile ukukhiqiza abafundi abaphase ngamalengiso okuyimphumela ethakaselwe kakhulu kulesizwe.
Inkosi Mthuli ethula inkulumo kulomcimbi ubonge kakhulu ukuzimisela kothisha nasekuzinikeleni kwabazali ekwesekeni abafundi abenzekahle kumatikuketsheni ingako kuqokwe losuku lokuthi ubukhosi buzokhombisa ukuzeseka izikole ezenzekahle zinikwe izondondo zokuzibonga ngomsebenzi omuhle eziwenzile.
” Sibonga kakhulu ukwenyuka kwezinga loluphasa esizweni engisiphethe kakhulukazi ngibonga othisha abadele konke bazinikela ekuzofundisa abafundi bakulendawo okuyibo abayikusasa lesizwe,ngibonga nabazali ngokubambisana okuhle nemkhandlu elawula izikole njengoba zenzakahle kukhombisa ukubambisana okuhle okuletha imiphumela emihle,okumqoka siwumkhandlu sizimisele ukusebenza kakhulukazi ekubambisaneni nezikole ezintweni ezithinta ezemfundo.Okunye njengoba sikhethe ukuzobaklomelisa abafundi sabonga nothisha uhlelo lolu olungeke lusama sisazonxenxa nosomabhizinisi bazofaka isandla ukuze kwande nemihlomulo okuyinhloso enkulu ukuzobakhuthaza abafundi kanye nothisha emsebenzini omuhle abawenzayo besebenzela isizwe bakha ingane yomuntu omnyama ukuze ibenekusasa eliqhakazile” kuphetha iNkosi Mthuli.
Ongusekela sihlalo wamakhosi eMgungundlovu iNkosi K.S Zondi ethula inkulumo kulomcimbi unabe kabanzi ngendlela ezemfundo ezimqoka ngayo kumuntu omusha
“Siyathokoza ukuthi lohlelo olukhuthaza imfundo amakhosi alusukumele phezulu kakhulukazi leMgungundlovu,ukungenelela kobukhosi emfundweni kubalulekile kodwa okumqoka engifisa ukukuqhakambisa ukuthi umphakathi awungahambeli kude nobukhosi kakhulukazi ezinhlelweni ezithinta ezemfundo nasekuthukiseni indawo ngoba nohulumeni mezothuthukisa indawo uqala kubo ubukhosi obungamele lesosizwe esilethelwa intuthuko,sengiphetha nginxusa nabazali mebebona okungahambi kahle esikoleni bahlangane bakulungise masinyane ngenhloso yokubeka phambili imfundo kubantu abasha okuyinto abazokwazi ukushintsha izimo emndenini abaphuma kuyo ngayo imfundo ewumgogodla wekusasa” kuphetha uSekela sihlalo wamakhosi eMgungundlovu iNkosi K.S Zondi wesizwe samaMpumuza.
Lomcimbi obusezingeni eliphezulu ubuhanjelwe nayizikhulu zikahulumeni ebezisuka kaCOGTA uMgungundlovu District Mr Khwela oyimenenja kulomnyanga, kanye nomqondisi jikelele kwisifunda seLembe District emnyangweni wezemfundo naye bekhona ethamele umcimbi obusezingeni eliphezulu.
Khonamanjalo namakhosi abeyingxenye yalomcimbi okubalwa kuwo INkosi K.S Zondi waKwaMpumuza, Ongusekela sihlalo uMgungundlovu local house of traditional and khoi-son leaders, iNkosi V.Zondi esizweni sase iNadi, inkosi Mchunu esizweni saseMdubuzweni, inkosi Ngcumisa esizweni sakaSwayimani, inkosi Gwamanda esizweni sakaGwamanda, Kanye nenkosi uNtanzi esizweni sakaNtanzi.
Abezinyonyana zothisha iSadtu neNatu mebekhona bezoseka umcimbi omuhle okhuthaza izinga lokuphasa eMshwathi kanye namakhansela abeyingxenye yomcimbi ezobungaza ukuklomeliswa lwabafundi nothisha abaphakamise izinga lokuphasa esizweni senNkosi uMthuli.