Ongenele esokuba UNdunankulu KwaZulu-Natal, uChris Pappas we Democratic Alliance (DA) , uthi inhlekelele yaseMargate iveze obala ukwehluleka okuvelele kwe-ANC ekuhleleni ukuphathwa kwezinhlekelele nokungenelela ngezinhlekelele ezinje.
Isithombe : Izitolo nezindawo zokungcebeleka zicekeleke phansi eMargate.
UPappas uthi nakuba iziphepho ziyinto yemvelo, umthelela wazo uyinhlekelele uma kungekho ingqalasizinda efanele nokuhlela okuhlobene nakho.
Ngesikhathi evakashele edolobheni elisogwini elimoshwe izikhukhula ngolwesibili, uPappas uthe bathole ngokuphelele ukuthi izinhlelo zesivunguvungu nokukhipha amanzi e-Margate azikho phezulu ukuze zilingane ukunciphisa imvula enamandla. Ngaphezu kwalokho, uthe i-ANC ayibonakali ndawo njengoba kuyizakhamuzi zakule ndawo, abanikazi bamabhizinisi, izinhlangano ezingekho ngaphansi kukahulumeni, namavolontiya agoqe imikhono ukususa imfucumfucu nokulungisa kungenzeka.
Isithombe : Izikhulu ebezikhaphe uChris Papaz weDA ezohlonza idolobha elimoshwe izikhukhula iMargate.
Khonamanjalo ziyanda izibalo zabantu abatholakala beshonile sebeyisikhombisa ngenxa yalezikhukhula ezishiye kukhalwa kuledolobha nasezindaweni ezigudla uGu Kwa Zulu Natali.